مجلس البجا جناح الناظر ترق منذ بداية العمليه السياسيه الحاليه موقفوا واضح وهو رافض ليها تماماً ، مشا اتحالف من الكتله الديمقراطيه وشقو طريقهم وعملوا ورشه القاهره برعايه من السيسي وكانت مخرجات الورشه فيما يخص مشكله شرق السودان واضحه ، الان بيتكلموا عن اقصاء وهم شقوا طريقهم من البداية .
بس الغريب انهم رجعوا خلو مخرجات القاهره واتبنوا اهداف تانيه ، كان عليهم الان عدم الالتفات مجدداً للاطاري ويدعموا اعلان القاهره ، الان هم بي بيصعدوا رفض الاطاري وليس حث لمخرجات القاهره ، مالكم لافين كده ، مناوي وجبريل قفلوا الشرق عشان يشاركوا في الاطاري ، انتو قفلتوا ليه ؟؟ .
كان عليكم المضي قدماً في ورشه القاهره والبحث عن سبل التنفيذ ، بس نقول شنو ( لا دايرنك لا بفارقوك )
