والله ياجماعة أنا تأكدت تماماً من حاجتين :الحسد شيطان ماعنده كنترول.. بيكشف سوءة الحساد بشكل مقرف!!
معظم الأسماء البراقة أدعياء الإستنارة عبارة عن بالونات هيليم نحن النفخناها بسذاجتنا وحسن ظننا وإنبهارنا!!
يعني الواحد مثلاً لما تجرده من بريق إنطباعك الظاهري بتكتشف إنه في الأصل مجرد سمسار عقارات هوايته الوحيدة الحوامة بالكافيهات بين مصر وتركيا وإستعراض مهاراته في الخطابة والونسة وإدعاء الرهابة الكاذبة!!
وأهم أدواته ممارسة السخط المستمر والإنتقاد الدائم لكل من حوله وما حوله دون أن يتقدم خطوة لإصلاح مايمكن بحسب نظرته السوداوية المتحاملة!!
زول عبارة عن آلة تطاول وهجوم ليس إلا وماعنده أي إنجاز يذكر لصالح البلاد والعباد… وعند أول نقاش تتكشف لك (القونة) الجواه ويصدمك صدمة تخليك تشفق علي روحك من فرط حسن ظنك وتقديرك لمن لا يستحق.
والمشكلة…. براااااه بيهبش ويحرج روحه ويعريها ويستفرغ الجواه
المهم…. تاني قام واحد عامل أيقونة طلع مجرد بالونه…. وريحنا من عبء إحترامه.
الحمد لله الذي عافانا.
البوست ده للتوثيق… عشان أكفّت نفسي كل سنة كان الله أدانا عمر علي الإستوهام البتورط فيه والخبوب البعمل ليه ملاعق.
