ماكنت حابة اكتب البوست التقليدي دة يعني بوست الحرب ورتنا الناس وووووو التظلم دة
انا نظريتي غير شوية انا كنت حاسة شديد بالناس ال ما كويسين حولي بس كنت خايفة اكون ظالمة زول جات الحرب ناسي ديل روحهم كركرت زهجوا خافوا دة احساس عندنا كلنا وانا عن نفسي عندي الاحساس دة بس بترجمه بي طريقة مختلفة بدخل فيسبوك بخستك بهظر اردم اتردم اي حاجة ممكن تطلعني من مود الحرب بحاول اعملا مرات كتيرة بكون بكتب وبخستك وانا في قمة القلق والتوتر بس بحس اني مفروض انشر حاجة ايجابية كدور مجتمعي وحركات فنانين وكدة😎 ما بيناتنا
في عز دة القى ليك ناس مفروض كانوا اصحابي ينبسطوا عشان شايفني متماسكة دة مش العادي !؟؟ لا ابت نفسهم الا وان يعربوا عن قلقهم الزولة دي مبسوطة مالا 😂😂😂
وهااااااك يا تحليل وتخيلات وتأليف والله جد 😂
وتركيب غريب في شنو ما عارفة ✋
ما يستفاد من الكلام الكتير دة كلو اني كنت صاح وصاح شديد صاح لمن بخاف لدرجة الوسوسة من الناس صاح لمن كنت حريصة جداً اني في صداقاتي مع الناس يكون عندي حد دي اصح حاجة عملتها ودة المفروض صاحب الناس خلي بينك وبينهم حد وما تأذي زول خالص
والداير يفهمك صاح بفهمك وال ما داير يفهمك عمره ما ح يفهمك وح بوفر داااائماً سوء الظن حتى الحد الانت عامله دة ما ح يفهمه صاح ح يفهمه خباثة غتاتة اي شي كعب
بس ح تكون بطنو فايرة ( عمال على بطال ) 😂
تنتهي الحرب ان شاء الله وربنا يحفظ البلاد والعباد
وجربوا فكرة انكم تتصالحوا مع فكرة الخصوصية دي مريحة شديد لا تعرف حاجة عن زول لا زول يعرف حاجة عنك الا على قول اهلنا ( البدخل الناس ) الفرح الكره
والله يكتر الافراح
حبو_بعض
احترموا خصوصية بعض ال ما بدخلك في تفاصيله والله ما بكرهك بس طبع الناس بختلف ✋
