انا من السودان
لاني من السودان …
سودانية ….
فقط …
لا شيء اكثر من هذة الجنسية …
لا امثل اي شيء … لا علي المستوي العام ولا الخاص …
خيري وشري يشير لي انا
امكانياتي من عدمها كذلك
النجاح من عدمه …
كلو كدة
انا امثل نفسي …
انا حتي لا امثل اسرتي …
لانو في الاسرة الواحدة بتلقي افرادها كلو واحد فيهم ليه خطه واتجاهه ونظرته وتعاطيه مع الحياة
انا افرح جدا عندما اري سوداني او سودانية نجح في امر ما لانه فعلا النجاح يبهج وقد يكون محفز لي ايضا ..
كما يحزنني ان اري اناس عكس هذا …
ما ممكن سلوك متميز واحد يمثل بلد كاملة ودا السودان كدة … وديل السودانيين كدة .
وفي نفس الوقت ماممكن شخص واحد جانبه الصواب يهدم امة بحالها ويبقي مؤشر حقيقي لتراجع للاخلاق وغيرو .. الا اذا بقى التصرف دا سلوك عام بعملوه ناس كتار جدا واصبح يشكل (ظاهرة)..
التمثيل الذي يخص البلاد حينما يتم اختيارك بصورة رسمية لفعل شيء ..تقديم عمل … التفاوض تحت اسم بلد … مسابقات يتم اختيار اصحابها رسميا بواسطة وزارة معنية بالامر دا…… التمثيل الحكومي الرسمي
وحتي دا يفضل تحت وجهة نظر من اختارهم وقد يكون غير موفق في الاختيار وحكمته عوامل بعيدة كل البعد عن الاختيار السليم المحايد للمناسب في الموقع دا تحديدا …
مافي حاجة اسمها فلان عمل التصرف الفلاني وكان كويس يبقي نحنا ناس كويسين
ولا فلان عمل الشيء العلتكاني وما كان كويس يبقي احنا ناس ما كويسين
اي زول من ناحية افعال وافكار
بمثل روحه وبعبر عن نفسه وعن افكارو ورؤيته للحياة ….
وكل الزمناه طائره في عنقه
