كتب الفنان السوداني احمد الصادق منشور على صفحته الرسمية بموقع التواصل الاجتماعي فيسبوك اطلع عليه موقع الان نيوز الالكتروني الاخباري قال فيه
كل سنة وإنتو طيبين، وكل يوم وبلدنا بألف خير يا رب.
والله الغُربة عن الغُنا كانت صعبة شديد عليّ، لكن الأصعب كان حال الناس وحال البلد. فقدت الشغف لأنو الناس هم الأساس في أي حاجة بعملها، أنا بيهم وليهم، وكل خطوة في طريقي كانت بيكم وبمحبتكم.
لكن قررت أرجع، لأنو الفن ما بس تسلية، الفن رسالة وسلاح أبيض بيضمد الجراح ويداوي النفوس. وما ممكن أشوف طلباتكم ومحبتكم لي على مدار السنين وأسكت، أو أرفض، طالما ربنا اداني الفرصة أكون سبب في فرحتكم.
قعدت فترة طويلة شغال في غُنية من القلب، غُنية بتحكي عن حالنا، عني وعنكم، اسمها “العوض”، وإن شاء الله حتنزل قريب وتلقى قبولكم.
أنا راجع ومشتاق للغُنا، ومشتاق ليكم شوق كبير.
تحياتي واحتراماتي ليكم كلكم.
أخوكم أحمد الصادق (الوطواط)
