اخطر واقوى رسالة من ضابط خطط وتكتيك سابق بالقوات المسلحة للقيادة العسكرية السودانية

رد  ضباط جيش سابق دارس خطط وتكتيك في منشور دونه الاعلامي عبدالماجد عبدالحميد على صفحته الرسمية بموقع التواصل الاجتماعي فيسبوك اطلع عليه موقع الان نيوز الالكتروني الاخباري حيث كتب الضابط (امس كتبت ليك وانت كاتب مقال طويل عن كسر الحركات والجيش خطط عثمان عمليات وقاموا حرروا الدندر ووووو

انا ضباط جيش سابق دارس خطط وتكتيك
لكن بعيد ليك مره تانية ما كتبوا ليك عسي ولعل تنشر الرساله كامله
هجوم اليوم علي الدندر يمثل فقط تحرير الدندر الجاها شفشافة بدون تعليمات نهبوا بصورة مستعجلة السوق والعربات وتركوا معظمها ولم يستطيعوا حتي سرقة البضائع
وصول الجنجويد لي الدندر حاليا هم مافي حوجه ليهو ولو جات قوات البيشي لن تصمد القوات المسلحة والحركات لبعد خط الامداد من القضارف وانا لو كنت قائد المتحرك لانسحبت فور طرد الجنجويد الدخلوا المدينه لان الهزيمة ستكون حتمية لو التفوا من الناحية الشرقية
الجنجويد يكفيهم السيطره حتي كوبري الدندر سيطروا علي كوبري العويس غربا وكوبري دوبا ايضا ووصلوا حتي طيبة الحلاوين ومن الجنوب كل المنطقة مسيطر عليها حتي ابوحجار وعندهم خط إمداد ملتف من الجزيره لي جبل مويه وبي احتلال مناطق الدالي والمزموم وما جاورها أيضا الطريق سالك حتي جبل مويه
هم كده اولا عزلوا تماما النيل الأبيض من اي إمداد ومتوقع هجوم متحرك تاني بتاع جلحه ومعاهو سفيان علي قوات النيل الأبيض في جبل الدود واي التفاف من خلف القوات هناك وده دايما تخطيط الجنجويد حا تكون القوات هناك في وضع خطر جدا لذلك اتوقع انسحاب القوات من جبل الدود
موقف سنار حاليا صعب جدا جدا خاصه وانو المليشيا موجوده في دوبا كده سنار محاصرة من أربع اتجاهات تماما بعد ما كانت الجزيره محاصرة من ثلاث اتجاهات وللأسف ده بي سبب تقاعس القوات في الهجوم من ستة أشهر
ممكن الصوره قاتمة لكن للأسف ده الحاصل تحرير الدندر اصلا ما بيضعف القوات الوصلت المنطقة لانو الهجموا علي الدندر ديل قوات الشفشافة فقط وديل بهربوا من اول اشتباك واغلبهم وصل من أمدرمان وبحري والجزيرة وحتي الخرطوم
انا لو قائد بحرك قوات من كسلا لي القضارف وبخلي قوات الفاو تهجم علي الجزيرة اقسم بالله لو معاهم قوات مشتركه وتسليح اضمن ليك في ثمانية ساعات يكونوا في كوبري حنتوب واخلي قوات المناقل تهجم غرب الجزيرة بكامل عتادها اضمن ليك في ست ساعات تكون في تخوم الحصاحيصا اما القوات في شندي تتحرك ليها قوات من دنقلا وعطبرة وتهجم علي حجر العسل وقوات الكدرو من الجنوب تقطع الطريق اما قوات حطاب تنتشر جنوبا وغربا مع خروج سلاح الإشارة أيضا في اتجاه الشمال
في أمدرمان فقط عرفت القيادة بخروج معظم الجنجويد فبداء الهجوم من محور المهندسين ومن معسكر الاحتياطي المركزي بواسطه ابو طيره وجاهز الأمن وشمالا من قوات وادي سيدنا حتي الخرطوم شبه خاليه وشوفنا قائد الهجوم علي المدرعات كل مره موجود وصور فيديو من سنجه
الطيران عندو دور كبير جدا في ضرب القوات المتراجعة
اقسم بالله حاليا ده الوقت المناسب للهجوم علي المحاور دي الاخبار من مدني وبحري والخرطوم وامدرمان عدد الجنجويد قليل جدا لانو في محور سنار سنجه والسوكي جبل مويه الجنجويد جابوا كل الفزع من كل المناطق لانو المرتزقة من تشاد والنيجر ودول الشتات حاليا ما بقدروا يطلعوهم من الفاشر
استعجال الهجوم حا يخلي المليشيا مرتبكة جدا وحا تتشتت قواتها تماما وسهل جدا تكون فريسه للطيران و الكمائن وحا يخفف الضغط علي القوات في سنار وشرق كوبري دوبا وممكن تساعد في الهجوم علي القوات المتمركزه حاليا جنوب سنار والقوات الوصلت الدندر تهاجم سنجه وقوات تعبر كوبري دوبا
لو تأخر هذا الهجوم حتي الاثنين سيتم اقتحام سنار و سقوط مدن في ولاية النيل الأبيض أيضا
ضابط تكتيك سابق
القوات المسلحة
نصر من الله وفتح قريب