تشهد مدينة بورتسودان بولاية البحر الأحمر هذه الايام ارتفاع كبير لدرجات الحرارة مع انقطاع التيار الكهربائي لساعات طويلة وفيما يلي ينشر موقع الان نيوز الالكتروني الاخباري ابرز النطائح التي تداولتها مواقع التواصل الاجتماعي للراغبين في زيارة مدينة بورتسودان في شهور 6 7 8 9 تعرف عليها
1/ لو داير نصيحتي بصراحة ما تجي بورتسودان
2/ ما عندك جلابية بيضاء مكوية اشتري
3/ ما تمرق نص النهار ولو مرقت امشي بالضل ما تمش في نص الشارع لان الحر دي ممكن تقع على طولك وانت زول كبير ما صح تقع
4/ مفلس ما تجي بورتسودان لان الغرفة بي 35 اليوم وبيت عادي زي بيوت البلد ،اما الشقق دي حقت الجلابة
5/ اشتري ريحه ومزيل عرق لان ريحتك بتبقى طير طير ،ولو غلبك اعمل ليمون
6/ اوعي تشرب مويه الماسورة ولا تستحم في الحمام بي مويه الملح دي عشان شعرك بقع منك قبل تطلع من الحمام
7/ قبل تفكر تجي بورتسودان استخير
8/ لو ما عندك قوة تحمل وصبر و استغفار ليل ونهار ما تفكر تجي لان الكهرباء بتقطع 14 ساعة وبتكون بتنقط مويه انت ذاتك
9/ داير تجي بورتسودان تعال في اي شهر غير الشهور الفوق دي لان بورتسودان جميلة بحق وحقيقي وفيها مناطق سياحية ممكن تخلعك وتفتكر نفسك برا السودان
10/ انسان بورتسودان أنسان مسالم وعايش في حاله وما عندو اي حاجة مع نفسه بس ،ولو سمعك بتشكي من الحر بقول ليك انت لسه ما شفت حاجة
