فاطمة عثمان تكتب.. كل مدمن يظن أنه بخير حتى تأتي الصدمة “زوجتك.. عملك.. أهلك” الإدمان قادر يخسرك كل شيء
الخرطوم | الآن نيوز
هل المتعاطي او المدمن يستطيع ان ينتج او يعمل ؟؟؟ المدن ماعندو احساس بالزمن خالص لا يستيطع لانه وحده من مشاكل المخدرات بتخليك ماعندك احساس بالمسؤليه
يعني ممكن تجي انت كمدمن تتعاطي ليك سجاره. او تبلع ليك حبه تقول. عشره دقايق بس وقايم. تقعد ليك اربعه ساعات عادي وانت ماشاعر بي نفسك ،،
مامدرك للزمن ولا حاسي بالمسؤليه ،، عايش مع خيالك اكتر من الواقع انت كمدمن
واحده من المشاكل الترويج للمخدرات
مثلا يقول ليك والله كان شربت ليك سجاره مخدر او بلعت حبوب مخدر
حتبقي شاطر حتبدع فالتعليم مخك حيستوعب ده كلام غلط شديد
لي ؟؟ لانو مستحيل انت كبني ادم مخدر عقلك ومخك حتبدع لانك بي بساطه معطل كل امكانياتك
حتي لو انت كنت مبدع ابداعك حيتدمر وينتهي علي المدي الطويل من التعاطي 💔
لانو انت ماعندك التزام خالص. طيب انت مبدع اتجاه منو؟؟؟
لو كنت في مجال البنيان او الفنون او اي مجال اخر
حتخسر كل الناس وحتخسر عملك لانك ماعندك التزام بالزمن حتلقي نفسك بره خطه العمل. يبقي انت هنا فشلت لا نجحت لا ابدعت
ياجماعه المخدرات بتذيد الادريشن
بتذيد العنف بتعمل دليوشن شك واوهام
المدمن بكون شكاك
مثلا يتهم زوجتو بالسوء
الجا بي وراي منو؟؟
الشرب فالكبايه دي منو؟؟؟
الملايه دي م كانت كده ؟؟
انتي طلعتي بي وراي مشيتي وين ؟؟
كلها شكوك
دايما في توجس وسواس
حتخت زوجتك في حتات حرجه وحتبعد منك
عشان كده ياجماعه المدمن بكون محتاج الناس الحولو فالبيت يقيفو معاهو ويسندوه عشان يتعالج
ببدا بي مرحله العلاج الدوائي وبعدها الاساس فالعلاج هو العلاج النفسي الجلسات النفسيه (Psychological sessions)
لازم تأهيلو واعاده دمجو فالمجتمع من جديد
لانو غير كده صعب شديد
كونو نعتمد علي ياخي عيب ياخ مصاح ياخ انت ابن فلان وعلان
علي فكره المدمن شاعر وحاسي بالضرر لكن ماعارف يعالجو كيف 😞😞
المدمن عندو تلاته خيارات فقط.
وعندو اثار عضويه صعبه جدا جدا
١/ بأثر علي الجهاز العصبي
يؤثر علي عقلك وتقعد عمرك كلو تفتش فالعلاجات. زي انفصام الشخصيه مثلا(Schizophrenia)
ياجاتك. هلاويس سمعيه وهلاويس بصريه
يااا دمر جهازك التنفسي
ولا جهازك الدوري. مثل القلب الرئتين
دي بالذات ولاراها حاجات كبيره جدا مثل الجلطه (والذبحه الصدريه)
الكبد الكلي دي بالذات لي ناس الشراب البتعاطو الكحول
عليكم الله اسي زراعه الكلي ب كم ؟؟
غسيل الكلي ب كم؟؟
والزراعات دي ممكن تنجح وممكن تفشل
عندنا مشكله كبير ه المتعاطي تجس تقول ليه ياخ الشراب او المخدرات دي بتضرك
يقول ليك ياخ من قمت فلان ده بسكر. لي اسي ماجاتو حاجه
وفلان ده بشرب (بنقو ليه عشرين سنه ) زول هادي وفي روحو ماجاتو اي حاجه
لانو الاثار بتديك لحظه النشوه في لحظتا لكن
غاشاكم ساي
لكن انتو ماعارفين انو المرض جوه تراكمي
بكره حاتم الكلام عشان م يبقي طويل
يتبع…..
