فاطمة عثمان تكتب.. أعراض يستهين بها الناس قد تكون بداية مرض نفسي خطير

هل المريض النفسي يعي. او يعرف انو هو مريض نفسي ؟؟؟طيب(المرض النفسي) دائما بتقسم لي جزئين او قسمين حاجه اسمها

1/( السايكوتك) الذهان Psychosis

2/(النايروتك)العصاب Neurosis

مريض العُصاب احيآ يعي انه مريض

اما مريض الذهان من الصعب يعي انو مريض

بنقول دايما لاكوف ان سايد

لايعي ذاته

بل بكون مستغرب شديد انًو الناس بقولو ليه انت عيان لي ؟؟

مرات بتهم التاس بالجنون بقول ديل لي يعاينو لي كده ؟ انا فاهم واوعي منهم فهو زول. ماواعي بالمختصر كده

طيب هل المرض النفسي بجي فجأه؟؟؟

المرض النفسي للمعلوميه مابجي فجأه خالص

بل بيتدرج ودي النقطه المهمه والاهم هنا

يعني مافي زول يقول والله كنا نايمين فجأه صحينا لقينا فلان مجنون او فلانه قامت من نوما مجنونه لالا مافي كلام ذي ده خالص

الا في حاله الشك الصدمات الانفجارات حادث حركه. دي ممكن نقول الواحد خشا في صدمه نفسيه ،،، والحاجات دي. موقته وبتتعالج خصوصا الصدمات النفسيه Psychological trauma

لكن المرض النفسي الذهاني المريض هنا بيبتدي بي تغيرات تدريجيه

1/فقدان النوم. او قله النوم

2/ ماببالي. بي شي خالص

مهارات حياتو. اليوميه بتقل

بهمل عملو وبعمل دراستو وببدا في اهمال الحاجات البتخصو ،، السرحان الكتير

دي كلها ياجماعه اعراض ياجماعه نحن فالدول العربيه والافريقيه ماقاعدين نهتم بيها خالص

ولابنهتم بالصحه النفسيه كتير بالرغم من انها اساس البني ادم

اساسك صحتك النفسيه

اهتمو دايما بي نفسكم وبمن حولكم. اذا لاحظتو لأي اعراض غير طبيعيه او تصرفات. غير مألوفه. امشي للطبيب النفسي دي حاجه عاديه علي فكره والشعوب الراقيه مهتمه بالحاجه دي جدا وعندها كشف دوري كل عام او اقل من العام الواحد بجي للطبيب النفسي بعتبرا ونسه وفضفضه