أعيدوا جابر —ذبلت الخرطوم وتوقف النماء والتطور بعد توقيف لجنة الفريق إبراهيم جابر لتهيئة المناخ لعودة المواطنين.
بعدما تحولت اللجنة لرئيس الوزراء كامل إدريس
وقفت الخدمات تماماً.
وقفت النهضة.
وساءت الأوضاع حتى الأوضاع الأمنية تدهورت…
المواطنين في الخرطوم حسّوا بالفرق بين أيام جابر وأيام كامل إدريس.
سعادة الدكتور كامل إدريس ما فاضي من السفريات الكتيرة والوعود الرنانة والخٌطب الكتيرة ..
الوعود التي لم يُنجز منها ولا ملف على الأرض…
الخرطوم ما محتاجة خطب ومؤتمرات خارجية محتاجة عمل تنفيذي واضح الخرطوم محتاجة موية، كهرباء، أمن، وناس شغالة 24 ساعة في الميدان….
لذلك: —
أعيدوا جابر للعمل في لجنة تهيئة ولاية الخرطوم.
رجعوا الزول الشغال وخلو النظريات والتصوير والتصريحات لناسها…
العنصر المهم في الخرطوم هو العنصر البشري لذلك توفير الخدمات له هو شعلة الضوء لتحفيزه للاستقرار …
بعدم الاهتمام دا مواطن برجع ليكم الخرطوم مافي عشان ما حيلاقي لا موية لا علاج لا كهرباء ….
وبس.
عائشة الماجدي
