نحن مواطنين بسطاء في قُرانا وبوادينا تحرقو بيوتنا بلا أدنى وازع ديني او أخلاقي او إنساني وانتم تدعون انكم بتحاربو في الكيزان هل عندنا في قرى وبوادي وفرقان كردفان دي كيزان؟؟؟ تهجمو اسواقنا وتنهبوها وتروعو الآمنين هل هم كيزان ؟؟ في الطرق الترابية والمسفلتة قطعتوها ونهبتوا العربات والاموال عذبتوا كبار السن والنساء قتلتوا خيرة أبناء القبائل احتجزتوا مئات من ابناء القبائل كلها وما زالوا محتجزين عندكم ما زنبهم؟؟؟ انتو بتغشوا في نفسكم والله هل كل دا المواطن حينساه ليكم لا وكمان تحكموه؟؟
والله مستحيل والف مستحيل فيا ملايش النهب السريع قد أزيتمونا قتلتوا خيرة أبناء مجتمعنا شرّدتونا من بيوتنا وما تركتو قريه آمنه ما تركتو عربيه ما نهبتوها ما تركتو مزارع ما نهبتوه ما تركتو دهب مرا في الشارع وما نهبتوه ما تركتو رجال ولا نسوان ولا شيب ولا شباب وما عزبتوهم انتو دايرين مننا شنو نحن المواطنين البسطاء ديل في فرقاننا وحلالنا وقرانا؟؟ دي الديمقراطية الكذوب البتدعوها؟؟؟ ياخ انتو خليتوا حاجه سيئة ما عملتوها للشعب دااا؟؟؟
السودان عانى منكم بما فيه الكفاية ، تعبنا من انتهاكاتكم التي لا تتوقف لحظه واحده قطعتو الكهرباء والمويه والمواد التموينيه عن ويوميا فلان قُتل فلان نُهب فلان تم اختطافه وطلب فديه من اهله مقابل إطلاق سراحه عمل ليكم شنو؟؟
قتل عشره وعشرين من المنطقة الفلانيه نهب السوق الفلاني حرق القريه الفلانيه ربنا ينتقم منكم يا الدعامه شر انتقام اللهم انتقم من جنود الدعم السريع وقياداتهم شر انتقام اللهم ارينا فيهم يوماً أسودَ كيوم عاد وثمود يا الله
