كتبت الفنانة هدى عربي على صفحتها بالفيس بوك بعد مقابلتها العروسين بخيتة ويونس يا سادة يا كرام ما انا الببحث عن شهرة أو تريند بخيتة ويونس مقابلتي ليهم كانت محض صدفة.
انهم كانوا متواجدين في نفس المبنى الانا فيهو كانو في استديو نزار وانا في مركز هبة الاحفاد
لاقيت المنتصر بالله برة قبل ما ادخل كلمني انهم جايين قلت ليهو ( لو خلصت وفي زمن ) بسلم عليهم خصوصاً انه اسرتهم اتواصلت معاي تحديداً الاخ محمد يوسف اخوها لبخيتة وطلب مني اني ازورهم بس حقيقي لم تسمح ظروفي ربنا كتب نتلاقى دون ترتيب
يلا حراس الفضيلة يقولو لا شو !!!!!
حقيقي انا محتاجة شو !؟؟؟ جنيتو ولا شنو !؟
حبو_بعض
مش تلبدو لي بعض
ربنا يسعدهم ❤️
