تعرف على الوضع في الخرطوم ( الوضع الأمني والخدمات واسعار السلع)

الوضع الأمني

الحمد لله متوفرة تماماً تشيل تلفونك بإيدك اليمين وقروشك بالشمال تمشي اي محل وأنت مطمن الليله أسبوع ما سمعنا زول سرقو ولا ضربو ولا هددو الا حادثه عمنا محمد عباس وهو حادث فريد من نوعه…

حتي العربيه بايته في الشارع مرات بعد المغرب تسمع صوت نار دي حاجة عادية وإحتمال رسائل عسكرية أمنيه في ما بينهم …..

2- الخدمات :-

أ/ المويه عندنا في مربعنا ومعظم المربعات بتجي قريب خمسه مرات في الأسبوع في اليوم بتجي اكتر من 12ساعة بدون كهرباء ( البيارات بتضخ في الخط مباشرة ) وموية حلوة ….

ب/ الكهرباء حتي الآن مافي لكن ناس الصيانات شغالين

ت/ الغاز الدفارات بتجي كل فترة توزع في المراكز لكن بخلص في نفس اليوم لازم تكون مسجل إسمك .

ث/ المراكز الصحية والصيدليات معظمهم شغالين ..

ج/ محلات بيع الطاقة الشمسية كتيرة جدا يعني كل أربعه خمسه دكاكين في محلات بيع الطاقة شركات مختلفة ومنظومات مختلفة .

ح/ الفنيين والعمالة اليومية ( كهرباء – سباكة – نقاشه – بنيان …. الخ ) متوفرين .

خ/ المواصلات متوفرة كان داخليه أو خارجيه.

د/ البنزين والجازولين متوفرة كان سوق اسود او طلمبات .

ذ/ المواد الغذائية والخضروات والفواكه واللحوم متوفرة اكتر من باقي الولايات بس شرق النيل زيادة طفيفة في الأسعار لكن امدرمان ارخص

ر/ المرور والأقسام والمحاكم والنيابات شغاله خاصه الحاج يوسف

ز/ الكاش متوفر بنكك متوفر الشبكة متوفرة زين سوداني اريبا حتي العمله الورقية القديمة شغاله فئه ١٠٠٠ج و٥٠٠ج

س/ التعليم في مدارس بمختلف مراحلها في بعض منها شغاله كورسات ( الخاصه ).

ش/ المطاعم والمقاهي والكافتريات معظمها شغاله…

ص/ الأسواق اكتر سوق نشط وملياان سوق الوحدة شغاله بي ٩٠٪ من طاقتها .

ض/ المصانع في بعض منها اشتغلت مثلا سيقا الدقيق ومصانع حلويات وحديد

ط/ المساجد كلها تعمل ودروس يومية في بعض المساجد بعد الصلوات.

ظ/ الكثافه السكانية في حدود 30% مقارنة بقبل الحرب .

ع/ الأمراض مثلها مثل باقي الولايات ولا توجد باعوض في منطقتنا …

3- الأسعار :-

بعض الأسعار

#الاونسلين في صيدليه الفاروق في الفيحاء السعر = 14.000

#السكر الكيلو = 3.500

#الشاي الرطل = 10.000

#الزيت الرطل = 4.000

#الحليب الرطل = 1.500

#البن الرطل = 10.000

#لبن بدرة السعودي الكيلو = 23.000

#العدس الكيلو = 3.500

#الدقيق الكيلو = 2.000

#بارد ٣٥٠ لتر = 1.500

#البيض الطبق = 24.000

#موية صحه 500مل = 1.000

#صابون بشري كبير = 15.000

#ماكس تيلا 350جم = 4.000

#الجبنة الكيلو = 20.000

#البساطة الكيلو = 7.000

#البصل الربع = 5.500

#العيش بي 1.000 = 6حبات

في محلات 8 بي الف

#الفحم الشوال = 70.000

#الموز الكيلو = 1.500

#المنقة الكرتونه 22.000

#الجوافه الكيلو 2.000

#البرتقال الدسته = 7.000

#التفاح الحبه = 1.000 تلاته1.500

#البطاطس الكيلو 4.500

#الاسود الكيلو 3.000

#الغاز من المراكز = 62.000

#الغاز من الدفار = 54.000

#شفط صرف صحي = 95.000

#الفول الطلب = 3.000

#الكبدة الطلب = 3.000

#دحاج مشوي = 18.000

#الضان نجيض الصافي الكيلو= 30.000

#الضان الني اللبن النضيف الكيلو = 25.000

#العجالي الكيلو = 18.000

#السمك الكيلو = 3.000

#الفراخ الكيلو = 15.000

#الثلج اللوح = 9.500

#المويه الكارو = 6.000

#بنزين الجالون = 13.500

#جازولين الجالون = 12.000

#زيت بترومين 43.000

#بطارية 80 امبير = 240.000

#زيت فرملة = 3.000

#مصفي زيت = 15.000

#ردمية عربيه 18 متر = 190.000

#رمل عربيه 6متر = 100.000

#خرسانة عربيه 6متر = 390.000

#الجبص الكيلو = 1.000

#الأسمنت الطن = 620.000

#الف الطوب الاحمر 130.000

#طن السيخ 4لينا = 2.750

#مروحة اورينت= 90.000

#سلك كهرباء ٢.٥مل المتر = 1.500

#خرطوش مويه المتر = 1.000

#سلك كهرباء ٢.٥ المتر 1.500

#لمبة اريام ١٨ واط = 4.000

#فلاش نظافه= 6.000

#حنفية نحاس = 3.000

#بوماستك جردل = 48.000

#بهيه الربع = 14.000

#طبل ٧٠ مل خابور = 10.000

#ماسورة 4*8 = 42.000

#ماسورة 3*6 = 32.000

#زنك امريكي المتر = 5.800

#زنك بلدي القدم = 2.500

#مسامير الزنك الباكو = 30.000

#لوح جنكو دبل فيس = 265.000

#مفتاح قاطع DC

= 35.000

#مفتاح قلاب =

35.000

#كيبل ٦مل المتر = 7.500

#شناكل تثبيت الكيلو فيه 16 حبه = 7.000

#باكو اللحام = 14.000

#الانفيرترات

٢٢٠٠ السعر 650.000

٣٢٠٠ السعر 750.000

٤٢٠٠ السعر 900.000

#البطاطير :

١٠٠ ملي امبير 450.000

٢٠٠ امبير 750.000

٢٢٠ امبير 850.000

#مواصلات الوحدة شارع واحد = 1.500

#مواصلات الوحدة صابرين = 5.000

ملحوظة :-

اكتر شي محتاجة شغل ومراجعات بعد العودة السباكة والصرف الصحي والمنهولات بصفة خاصة معظم البيوت الكانت فيها ناس المنهولات والمجاري حتكون مليان حجار وأكياس وده الشئ العانينا منو بشكل كبير وأفضل شئ أنك تبدأ بيها تسحب السابتنك وتجيب عمال نظافة للسابتنك والمنهولات وعربيه الشفط تكون موجودة لسه عشان تسحبو

غير كده والله أجواء جميله وكل شئ متوفر …..

بالنسبة للناس العملو مشاريع في الولايات وبيوتهم هنا …..

خليك في مشروعك بس وكل زول مسؤول وتعال بيتك وأبدا في التنظيف والصيانة برضوا أمشي محلك ابدا في التأهيل من جديد وبعد تخلص الأمور بتوضح ليك وانا متاكد حتستقر هنا وتباشر اعمالك في الولاية من هنا بالتلفون ….

في الخريف ده لو ما حصلت بيتك ربنا يعوضك ….

وسوق ال24 ارخص من سوق الوحدة ومتوفر فيها ااي حاجه

هذا ما لزم توضيحه

منقول