“الشر يعم وأنا غايتو خشمي عندي بعاين بى عيوني بس”.. منشور مثير للإعلامية داليا الياس

انا وصلت للمرحلة الملكية المتبلدة… البتخليك تفقد الرغبة في الإنتقاد لأنك قنعان من الإصلاح !!

المجتمع السوداني غرقان في مستنقع من الوحل الآسن النتن …ومافي زول عنده إستعداد يغير من نفسه … بالعكس….الغالبية العظمى بتتعمد ترتكب الموبقات والحماقات والسخافات بدم بارد ومابتعنيها النتائج أبداً…. والمحصلة شعب كامل بيدفع التمن جوة البلد وبرة البلد…. بقينا منبوذين ومرفوضين ونحن ما بيهمنا غير الفارغة وتوافه الأمور وكيف نضر بعض بكل السبل!!

وكل واحد بيقول وأنا مالي… المهم أعمل العايزة على راحتي وحريقة في البلد وناسها !!!

سمعة زى الزفت…نظرة آخرين كلها إحتقار… كبائر… فتن…إنحلال.. خراب بيوت….نصب وإحتيال وفساد…. وكله مافارق مع زول!!

المهم بالنسبة للواحد/ة انا ومزاجي ومتعتي اللحظية ومصلحتي وبس !!

والشر يعم !!

أنا غايتو خشمي عندي…. بعاين بى عيوني بس… الله يقدرني على أهل بيتي….وصلتونا مرحلة بعيدة من اليأس والقرف… غير المرض وقلة القيمة والأذى مالقينا حاجة.

عاد تاني أها…

وإني أرى شجراً يسير نحو هاوية سحيقة.