نشرت ادارة وممثلي المسلسل السوداني قدر على صفحتها بالفيس بوك منشور بعنوان اعتذار للكل جاء فيه اليوم في مشهد نزل بتاع رجوع الصياد البيت مع امو واختو (يسرى والرتينة) والاغلبيه لم ينال رضاهم
او حسو انو المشهد مفروض يكون غير كده وطلع بارد ولم يصدق
عاوز اقوليكم كلامكم صحيح مية في المية
لكن نحن يا احباب في حاجات ما بنقدر نتجاوز فيها
المشهد ده الطبيعي اننا نتقالد
لكن دينا ما بسمح بي كدة ولا عاداتنا وتقاليدنا وتربيتنا بتسمح انو اضم اختي او امي علي الا في الحقيقه
حتى لو حتخصم من المسلسل خلوها تخصم ما مشكله
لكن احترامنا ليكم واحترامنا لانفسنا واحترامي للبنات الجو مثلو معانا واحترامنا ليهم ولاهلهم لا يمكن نفرض عليهم تصرف زي ده حتى لو يخصم من المسلسل
وغير كده الحمدلله نحن ربنا حبانا بي حب الاطفال لينا وقاعدين يشاهدو فينا لازم علينا نقدر الحتة دي
فارجو منكم ان تلتمسو لنا العذر في المشاهد الزي دي
وتمشوها لينا
ده آخرنا والله ما بنقدر نتجاوز ونمثل الحاجات زي ما في الواقع في المشاهد البتتطلب التلامس
كل الحب ليكم
وشكرا احبكم جد
