كتبت الفنانة السودانية المعروفة هدى عربي على صفحتها بالفيس بوك منشور رصده موقع الان نيوز قالت فيه (
انا بحمد ربنا دائماً وابداً انه ما ابتلاني بالتركيز مع غيري
بستمتع دايماً بالقاسمه لي ربنا حتى لو اقل من العند الناس دايماً مبسوطة حامدة شاكرة ما بشغل نفسي بمتابعة عملو شنو وخلو شنو عاجباني روحي جداً واثقة خالص من نفسي بحب نفسي لدرجة ممكن اتخلى عن اي شي لمجرد احتمال الشي دة ممكن يشكل لي قلق ما بجي على نفسي خالص خصوصتي فوق كل شي
ما بقدر انافق ولا بجزء المبادئ شجاعة جداً لمن احتاج مواجهة بواجه ما بقدر اتعامل مع زول نفسه معاي ما صافية
ما بمشي فيني الكذب والنفاق وما بعرف وما شايفة ضروري اتجمل عشان زول وأي زول ينزل من حساباتي تاني مافي حاجة بترجعه لمكانه الاول
بس طول ما الزول كويس معاي بلقى منى احسن تعامل بمشي مع الناس في خط مستقيم ماببادر بي شعور سئ ولا بخطر على بالي
بس كمان لو المبادرة جات من الطرف التاني بي طريقة مباشرة او غير مباشرة انا بجي عديييييل 😂
المهم ما عندي اعز من امي اولادي وروحي
وما دون ذلك تفاصيل مسجلة عندي بقلم رصاص
بمسح بس وبرضو عشان روحي ✋
فاااا شنو
ما تحاولو معاي بطرق غير مباشرة بفهما جداً
انا مخلية اي زول في حاله خلوني كمان في حالي عشان ذاتو الناس تقدر تجازفا
اي زول يركز مع نفسه مافي اريح من كدة
ومن الااااخر كدة
ما بعجبني زول
عشان ذاتي اركز معاهو
