شايف التاقات كترت .بارك الله في أولاد الحلال المخبرين في موضوعنا داك . المهم . ما عندي قشة مرة مع زول . ولا عندي شقفة حلوة مع بشر . بنقول رأينا والله حسيب النوايا والقبول ومن يهمه الأمر .إن كان فيما نقول وجاهة ومنطق .
طيب . أنا لو إعلامي .وأتيحت لي فرصة أمش محور وموقع متقدم . وحصلت على معلومات وفرص تصوير .أول حاجة وفي ظرف حرب تكون رسالتي محددة هي شنو ولمنو وليه وكيف . وبإفتراض أن ميزة ذهابك دي تأسست بالضرورة على أنك زول محل ثقة وموقفك العام داعم بالضرورة للجيش . أو في الحد الأدنى انت كشخص أو مؤسسة مظنة نشر مفيد للمعلومات التي تملكت .
2
طيب . فرضا صادفت قبض أسرى من العدو. ببساطة حأسال الضابط المسؤول والجهة المسيطرة .تصنيف الأسرى شنو . يعني الاطفال . الكهول .السودانيون الأجانب ! المرضى البخضعو لعلاج ميداني أو الجوعي الاقتسم معاهم الجيش لقناه . وبؤسس قصتي على التصنيفات دي . لأن لكل فئة رسالة إعلامية أنا عاوزها ترسل وتصل . للخارج والداخل . عرض قصة طفل مجند بوعي منه ولا قسرا عندها زاوية في صندوق جهات .والاجنبي .والكعل المستنفر . والأسير الجائع الذي اطعم أو تم علاجه . وعرض بالمجمل من زوايا مني تعزز المعلوم من أحوال العدو حاليا . وهذه المرتكزات والزوايا مفروض لو انت إعلامي تكون حاضرة في ذهنك ورؤيتك الكلية يا انت تيس ساكت . والأتيس منك الساقك وما عارف يوظف حضورك . أنا ممكن أقبل شخص أو فرد يكون تيس ! لكن والله أربأ بهذا عن غيره . الحرب ما قتال عدو بس .الحرب مرات كتيرة الأخطر فيها من العدو .الموالي التيس ! والمسؤول في نطاق المسؤولية البقيم. .تيس
