جافيت_النوم ….مشخصة نفسي بي قلق وأرق وإضطراب نوم ومدركة هذه الحقائق المرة وإستسلمت لآفة السهر التي فشلت معها كل الحلول والتمارين والأقراص والرُقية والتسبيح والإستغفار ودخلتني في مشاكل مع نفسي ومع مخي ونقاشات مع زوجي وووعدته مئات الوعود بضرورة تنظيم ساعات النوم وهيأت له المراقد والحشايا دون جدوي لحدي ماقنعنا كلنا بما فينا دكتوري المعالج القرب يخلي الطب بسببي ورمينا طوبة النوم الهانئ المبكر رغم الضرورة الصحية!!
تمام؟!!
طيب.. (السهر) بالليل لحدي وش الصباح عرفناه وحكينا حكايته…. (السهر) بالنهار ده شنو؟!!… ياجماعة أنا بنوم متين؟!!
نفسسسي أنوم والله… أنوم بعمق… لا أصحا بي جرس الباب لا جرس التلفون لا صوت ملعقة في كباية عند الجيران لا صوت كيس طاير في الشارع لا صوت بوري في الزلط الرئيسي لا صوت ماسورة بتنقط في المدرسة الجنبا لا صوت دبة النملة في البلاط!!
ياخ انا مجرد ما أخت راسي وأتنفس بعمق وأسترخي إستجداءاً للنوم بتجيني أفكار غريبة وأتذكر ليك قلمي بتاع الرصاص الشالته مني أمل فضل في سنة سادسة إبتدائى وما رجعته لي!!
نفسي أنوم لدرجة يجونا ضيوف ويقولوا ليهم داليا نايمة ويقولوا خلوها ما تصحوها.
نفسي أنوم لدرجة يصحوني ويتكلموا معاي وأجيب خارجيات وبكرة ما أتذكر الكلام!!
نفسي أنوم ساعة كااااملة متواصلة!!
نفسي أنوووووووم والله العظيم
يااااارب ….راحة الضمير والرضا والعين القريرة.
د(اليا) س
