من بعد استشهاد الشهيد وشفت تضحية الشهيد للوطن من اول يوم ظهر في القيادة العامة وهو مخالف تعليمات وعرض حياته العملية للمخاطرة وما كان همو غير مصلحة الوطن والشعب وضحى بي وظيفة و رتبة كانت حلم اغلب الشباب دخول الكلية الحربية وحمل رتبة عسكرية على الكتف وافتخار كل الاسر بي أبناءهم بالتخريج ،الشهيد ضحى بكل دا واتعرض للفصل وما كان همو ابداً ،وفضلت كلماته درس لما قال جملة واحدة “الرهيفة تنقد”..
موقف اخر لما كل الشعب اتشرد في كل دول العالم بسبب التمرد طلع مرة تانية و اخد عهد مع نفسه اولاً ومع الشعب ثانياً لما قال يوم واحد واحد الفين اربعة وعشرين يا كلنا نهجم علي مصفاه الجيلي يا انا بشيل سلاحي براي وبخش ،وهنا قال نحنا ما ننتظر العدو يجينا في مكانا نحنا نمشي للعدو مكان هو قاعد، وعد ف اوفي ونال الشهادة في سبيل الوطن 🇸🇩❤️
البئر بتكلفة 18.000.000 الف جنيه المبلغ المجموع من التبرعات 6.800.000 الف جنيه تم تغييرها في ساعاتها بي عملة ريال بما يعادل 14 الف ريال غيرنا الريال للدفعة الاولى عمل معانا 9.500.000 الف جنيه بدلاً عن 6.800 متبقي علينا 8.500 وبتم ان شاء الله ❤️
حصلت لينا تعثرات كتيرة عشان ننفذ حفر البئر دي وعملت فحص جيولوجيا في عدد 5 مناطق مختلفة وللاسف المناطق دي يا اهل القرية خافو من اسم البئر يا طلعت الارض حجرية يا طلعت المياه غير صالحة للشرب، والليلة الحمدلله رب العالمين بدينا في حفر البئر في منطقة طبقة :قرية ابوعشر ريف المتمه وان شاء الله خلال اسبوع بالكتير يتم تسليم المشروع كامل ،تقبل الله من كل المتبرعين، واعتذار من مكتب المشاريع بالمنظمة للتأخير و هم علي مدار التلاتة اشهر ما ضاقوا راحة ولا نوم من شدة اجتهادهم في تنفيذ المشروع
شكراً شباب منظمة كن املاً الخيرية 🤍
