الفرق بين شركات التطوير العقارى وشركات بيع المخططات الوهمية

لاحظنا فى الفترة الاخيرة عروض كمية لمخططات سكنية فى الوسائط وفى وسائل الاعلام الرسمية وشبه الرسمية ولمعرفة هل الشركة التى تتعامل معها صادقة ولا يوجد فيها اى شبهات هناك نقاط لابد ان تعرفها جملناها فى الاتى :-

اولا الشركة من اسمها للانشطة المتعددة او الحلول المتكاملة تضع فى ذهنك محتالين مالم يثبتو العكس.

١.الشركات الرسمية متعاقدة مباشرة مع وزارة التخطيط العمرانى فى الولاية المعنية، الوهمية ما عندها تعاقد مع الوزارة.

2.الرسمية دائما المخطط كله بإسمها فى تسجيلات الاراضى والعكس فى الوهمية دائما بتجد القطعة بإسم عبدالله متنازل لى مدير الشركة موسى مثلا وقطعهم لا تتخطى ١٠ إلا فى المناطق النائية ذات الاسعار الضعيفة جدا.

3.للسبب ٢ دائما ما تقوم الرسمية بتطوير المخطط فعليا يعنى سفلتة، بناء مدارس، مستشفى ،جامع وغيره الوهمية لو بالغت بتوصل اعمدة كهرباء وتشد سلك دون محول ودون كهرباء.

4.الرسمية تتعامل فقط بشهادة البحث وواضحة فى التعامل مع الناس، الوهمية تتعامل بشهادة حيازة وفيها غموض فى التعامل ودائما مديرها ما بكون متواجد فقط إنت بتتعامل مع بنات جميلات كدا واسلوب جميل وأثاثات فخمة ومبني مرتب عشان تجيهم مطمئن.

5.الرسمية عندها مخططات يشار لها بالبنان زى المنشية شرق، نبتة ، درة الحلفايا، لؤلؤة الشرق، السليمانية، وغيرها الوهمية ما بتلقى عندهم مخطط ظاهر نهائ زي مخطط الوعد السكني ، السمرة ، العزيزية ، الصفا ، واحة شمبات ، المحورية ، الصفوة ، ملوك السكني ، مدينة المستقبل، درة الجوهرة السكني ،………………… والقائمة تطول جدا.

6.الرسمية لا يتجاوزون فى ما هو معلن، الوهمية هناك تساهل كبير ممكن يخفضو ليك أو يدوك بدون شيك ضمان أو يغيرو ليك القطعة زاتو، ويدوك ناصية بسعر عادية، المهم الهدف يأخدو المقدم بتاعك دا واللهو غالبا بكون 30 – 40% من قيمة القطعة أو ياخدو منك رسوم حجز للقطعة بحجة إنو القطعة دي الراغبين فيها كتار وبكرة ما بتكون موجودة لو ما حجزتها ، ومرات يدخلو ليك بمدخل انو القطعة دي محجوزة لكن الزول الحاجزة لسه ما نفذ ونحنا بننتظرو لحدي بكرة لو نفذ خلاص ولو ما نفذ بنديك ليها وبكرة يا مؤمن يتصلو عليك من الصباح ويقولو ليك الزول ما نفذ تعال أحجز القطعة وما تتأخر ( إنتبهو يا ناس ).

7.الرسمية فى العقد المبدئى عادى الوهمية بضعوا اخر بند فى العقد شرط تحكيم ( في حال نشوب نزاع يحال النزاع للمحاكم المدنية المختصة ويكون القانون الواجب تطبيقه هو قانو المعاملات المدنية لسنة 1991).

8. الوهمية دائما دائما بتكون الشركة بالقرب من مركز شرطة عندهم نفوذ فيهو عشان يغطسو ليك قضيتك ويعطلو ليك إجراءاتك وأي إجراءا تتخذه ضدهم هم بكونو ملمين بى تفاصيله والناس ديل شبكة كبيرة جدا فأعملو حسابكم يا ناس.

9. بي إختصار من تلقي أو تسمع منهم ( شهادة بحث بعد شهر ،شهادة بحث درجة أولي ، عقد مبدئي والمستشار القانوني حق الشركة، ولازم تحجز القطعة وتدفع رسوم الحجز ، البيع بالأقساط ، تدفع مقدم 30% ، يتم تسليم القطعة علي الطبيعة بواسطة مهندس وتسليم سند دفع لشهادة البحث ومن خلال هذا السند يتم إستخراج شهادة البحث ، وتفويض من الشركة لفلان لينوب عن الشركة فى إجراءات توقيع العقد المبدئي،……..) ديل أبعد منهم وأنجو بمالك لأنو دي شركات وهمية بمعني إنو الشركة دى مسجله فى مسجل الشركات بأسماء وهمية وعناوين وهمية ودا معناهو لمن ترفع قضية فيهم عشان ترجع قروشك بعد تكتشف عملية النصب حيطلع ليك أمر قبض بأسماء المؤسسين الوهميين وكدا حتكون شربت المقلب بإمتياز وربنا يعوضك وعشان ما يحصل ليك دا أبعد من المجرمين ديل ( أنا والله كلامي دا نصيحة لوجه الله ما داير فيهو اي مقابل بس داير الناس تكون واعية)

*اخيرا انت من كلام الشركات قبل تشترى فى اى مخطط ما تتخدع بالاشخاص الاشترو اولا ، اذهب لوزارة التخطيط العمرانى وسجلات الاراضى وابحث اولا عن المخطط بأسمه الاصلى فى الخريطة مثلا مطرى شمبات القطعة رقم ٨٠ مثلا، لو تم تحسينها فعلا غالبا ما تضيع قروشك تفتش تلفونو يا عمنا عندك مزرعة كدا رقمها كدا ،بقول ليك نعم،طيب عارضنها ناس شركة الطلس للانشطة المتعددة،