اَخبار
(ياعمك البلد ما حقتك تبيع وتشتري فينا).. رشان اوشي تغضب وتحذر بأخطر منشور في تاريخها الإعلامي
الخرطوم | الآن نيوز

كتبت الإعلامية رشان اوشي منشور على صفحتها الرسمية بموقع التواصل الاجتماعي فيس بوك اطلع عليه موقع الآن نيوز الإلكتروني الإخباري قالت فيه عبدالرحيم دقلو يتضرع في هجليج ..
والخونة حيحصلوا على هوياتهم عشان يسافروا براحتهم يحرضوا العالم ضد السودانيين ..
يا عمك البلد دي ما حقتك عشان تبيع وتشتري فينا .. ولا في زول انتخبك .. انت ذاتك حكمت بوضع اليد ..
الرجال الماتوا ديل اولاد ناس وحشا امهاتهم ما برد وانت تبيع دماءهم بالرخيص ..
لا ترامب لا بن سلمان لا بن زايد ما حينفعوك.. ينفعك شعبك ده بس .. لذلك ياريت ما تخسر شعبك عشان وعود زائفة وانت عارفها زائفة ..
وعشان تتأكد انها زائفة ارجع بذاكرتك الفترة من 2017- 2018 .. اواخر أيام البشير ، شوف الحصل ليه شنو بعد حاول تملق بدو الخليج.

