الـ Mongolian spot أو بالعربي بنسميها أحيانًا “الوحمة الزرقاء” أو “الزرقة الولادية”، دي واحدة من الحاجات البتخوف الأهل أول ما يشوفوها في الطفل، لكن في الحقيقة هي ظاهرة طبيعية تمامًا وما بتعني وجود أي مرض.
أول حاجة، الوحمة دي بتكون نتيجة لتجمّع خلايا الميلانين — وهي الخلايا المسؤولة عن لون الجلد — في طبقات أعمق من الجلد (تحت الـ dermis بدل ما تكون في الـ epidermis).
السبب العلمي في دا حسب الدراسات الحديثة هو إنو بعض خلايا الصبغة الجلدية الميلانوسايت ما قدرت تكمل هجرتها الطبيعية أثناء نمو الجنين في الرحم، فـ بتتوقف في النص وتستقر هناك، ودا البخلي اللون يبقى غامق شوية.
بتظهر الزرقة دي في العادة من أول يوم بعد الولادة، وغالباً بتكون في أسفل الظهر أو الأرداف (sacral area)، لكن أحياناً ممكن تظهر في الكتف، الذراع، أو الرجل.
اللون ممكن يكون رمادي مزرق، أزرق غامق، أو حتى مائل للأسود في بعض الأطفال، وده بيعتمد على درجة البشرة.
إحصائيًا، الأبحاث بتقول إنو الـ Mongolian spot بتظهر أكتر في الأطفال من الأصول الإفريقية، الآسيوية، أو الهنود الحمر، ونادر جداً في الأطفال البيض.
النسبة في بعض الدراسات وصلت لحد 90% في الأطفال السود!
الجميل في الموضوع إنو معظم الحالات بتختفي تدريجياً براها، بدون أي علاج، خلال أول 3 إلى 5 سنوات من العمر.
لكن في بعض الحالات النادرة ممكن تقعد لحد سن البلوغ أو بعده.
ففي دراسات ربطت بين وجود extensive Mongolian spots (يعني لو كانت كثيرة جداً أو في أماكن غير معتادة) وبين بعض الأمراض الوراثية زي
Hurler syndrome وGM1 gangliosidosis،
لكن دي حالات نادرة جداً، ومعظم الأطفال العندهم الوحمة دي بيكونوا كويسين تماماً.
في النهاية، الوحمة دي ما مؤلمة، ما معدية، وما بتحتاج أي تدخل. بالعكس، هي علامة جمال فريدة في الأيام الأولى من حياة الطفل، وبتختفي بهدوء كأنها ما كانت.
المصدر : د. أحمد عدلان
